لبيه .. يا صوت دعانـي ولبيـت
ياأعـز مخلـوقٍ بصوتـه دعانـي
مافيه أحد مثلك على الكون حبّيـت
فضلك من أقدامي لراسـي كسانـي
يانبض شرياني وياشمعـة البيـت
يامهجتي عن كـل قاصـي ودانـي
أضيق من فرقاك وارتاح لاجيـت
ياسلوتـي يانبـعِ كـل الحـنـانِ
من دون شوفك حيي في حِسبة الميت
وارتاح لو شوفـك بعينـي ثوانـي
أزريت أعبر قدرك وحبك أزريـت
يعجز عن التعبيـر منطـق لسانـي
كم مرّة في شانك أذنبت وأخطيـت
والعفـو منـك كـن ماشـيّ كـانِ
أنا لك الخادم علـى كـل توقيـت
اللي تبين يصيـر فـي كـل شـانِ
مالي فضل مهما من البـر سوّيـت
لي الفخر مابيـن قاصـي ودانـي
لك دعوة منّي إذا أصبحت وأمسيت
يجزاك مولايـه بخضـر الجنـانِ
في وصلك بنظم القوافـي تغنيـت
ماسقت شعري في وصال الغوانـي
فيك الشعر مهما نظمتـه وسوّيـت
ماأظهرت شي بين عوج المحانـي
أفخر بنظم الشعر بيتٍ بعـد بيـت
ياحيـي والله فيـك غِـر المعانـي
كل القوافـي طاوعتنـي وغنّيـت
مافيه بيـت لا زهمتـه عصانـي
تفجرت عنـدي سـوات الدناميـت
وأصبح عسير القافيـه مطوعانـي
♥
{ ههنآآ }
